قصيدة الحد الجنوبي الشاعر احمد الشيخي - شعر في حب الوطن @alhadaljnobnewz

قصيدة الحد الجنوبي الشاعر احمد الشيخي - شعر في حب الوطن

سلام للي يحتمي حد الاوطان
يالي لهيب الحرب تقوى تخوضه

هذا هلال الخير من بعد شعبان
حرب وصيام ولاشكيتو قيوضه

من يحمي البيتين يرجح بالوزان
ذروة سنام الدين واوفا فروضه

تحمل سلاحك والذخيره بالامتان
مطنوخ منت الي تميعه موضه

صوت المدافع هوطربكم والاحان
ياحي لي الجيش السعودي عروضه

انتم لنا هيبه وعزوه لسلمان
ياجعلكم وردي النبي عند حوضه

والجنه الي ماتقدر بالاثمان
في كل خطوه في الميادين روضه

هي خير من دنيا لها هم واحزان
والله ماتسوى جناح البعوضه

قصيدة البنتلي كلمات والقاء الشاعر احمد الشيخي Bentley

البنتلي كلمات والقاء الشاعر احمد الشيخي

ابقا على وضعي وفي ولاتزعزعك الضنون
لوني نزلت من الونيت او شفتني على البنتلي

راسي واشد على المصايب والثقيلات المتون
والراس كله بالطناخه والشجاعه ممتلي

يافاتني فيك الحلى ياصاحب الطرف الحنون
فتنتني واصبحت مغرم في جمالك مبتلي

انتي الذي حبك غمرني مثل همال المزون
جذبتني جذب المياه الي تجاذبها الدلي

ولا طمحت لغير حسنك اوكثيرات الفتون
لنك على كل الحسن والبيض عنها معتلي

لاكن انا قلبي خضر واحب نضرات العيون
احب اناضر كل ريم تكمله لبس الحلي

مره وحنا واقفين وشفت من الي يسحرون
من بينهم وحده تهز اردافها هز الجلي

قالو علامك كن عقلك جاه شي من الجنون
قلت انضرو للي مشو ياليت ذيك البنت لي


من دون حادي شفتهم يلهون مره يمزحون
شبيههم ذيك البكار الضايعات الهملي


في كل سوق تشوفهم والعذر فيها يشترون
اقفو ولا معهم رقيب ولا يتابعهم ولي

حنا الحقيقه نستحي لاكنهم مايستحون
تعمدو كشف العبا للبنطلون المخملي


ياوجد حالي كل عرض اهله غدو يتغافلون
راحت مباداهم ودين الرب عنهم ينجلي

استغفر الله تبت له وانا من الي يسجدون
واعوذبه من كل فتنه في الزمان المقبلي

يالله عفوك من الذنوب وصدفة الي يفتنون
ولاتحاسبني بزله او بتقصير اعملي

دامه مصيري في يديك وكل شي لك يكون
اطلب ثباتك في سراط النار تحته تصطلي

قصيدة الشام الشاعر احمد الشيخي

الشام للشاعر احمد الشيخي

النايفات للشاعر احمد الشيخي اداء المنشد صافي الهذلي nayfat

الشاعر احمد الشيخى - النايفات

اليا تذكرت النوايف والجبال النايفات
نذكر هذيل الياطرت تاريخها وفعالها
ياحي لي قوما تسامت بالعلوم الجيدات
افعولها بالطيب دايم سابقه لاقوالها

تاريخهم عبر العصور الاولات الماضيات
ذولا صحابه للنبي يبقا الفخر باجيلها

واليوم في محفل لشيخا نذكره بالذايعات
سلطان شيخ(ن) للحمول الجايره يشتالها

في مدحه تزين القصايد تستعد القافيات
حتيرشي مطنوخ راسه والطوايل طالها

يقدح زناده لانتخا واشتد كرب المعضلات
حل الصعايب لو تجيه معقدات احبالها

واحتيرش العزوه نهارا فيه ضبح العاديات
حتيرش الميدان من ينكر فعول ابطالها

يورسها شيخ الشمل سلطان راع الاولات
سلطان ابن جابر تورثها وهو يزهالها

فيه التواضع للصغير وللمعالي له صفات
راي (ن) حكيم ولصعايب هو لها حلا لها

وختامها صلو عدد قطر السحايب والنبات
على النبي شفاعته يجعل كل(ن) نالها

رعد الشمال الشاعر احمد الشيخي North Thunder

الشاعر احمد الشيخى

السياسه بحر ساحلها بعيد
واليهود مع النصارا تستعد

والشيوعي قام في العده يشيد
يعرض اسطوله بقوه في العتد

والتطرف كل حالاته تزيد
كلها ضد الشريعه في جهد

الهدف كيف انها تقدر تبيد
في حصاد المسلمين اكبر عدد

والحقيقه واقع الامه زهيد
كل مايحصل يزود فالعقد

لين جاها راعي الراي السديد
مسلمين الارض قامت تتحد

اربك الكفار والخصم العنيد
واقبل لفعل التطرف بالوعد

شوف فعله ترجم الباس الشديد
حكمته خلة عدانا ترتعد

ابشرو بالنصر واليوم المجيد
امة الاسلام تبشر بالسعد

قالها سلمان ترجع من جديد
قودها لامجادها يا ابو فهد

دربك سهل الشاعر احمد الشيخي

الشاعر احمد الشيخى

دربك سهل والله يسهل طريقك------------دامك نويت على الهجروالقطاعة
تتبع لمنهو من البشر ما يطيقك------تهجر لخل كل ما قلت طاعة
وقت الشدايد تتخذنى رفيقك----------وظروفنا مالك عليها استطاعة
روح عسى نفتك من كرب ضيقك----------اللى مثيلك ما تناسب طباعه
واللى رغبته من سباتك يفيقك--------ويضيعك وتعيش دنيا ضيلعة
دامك تجاهل ما يقدم عشيقك----------اليوم عندى للمفارق قناعة
بالامس حبك فى بحوره غريقك----------واليوم نسيانك يرفرف شراعه
مثلى فهم ما ينخدع فى بريقك--------السوق ساير غش فيه البضاعة
روح وانا بوعدك ما اتبع طريقك-------بودعك والوصل هذا وداعه
ان طال فيك الوقت بيجف ريقك--------الطير يرجع لو يطول ارتفاعه

سلمان العز الشاعر احمد الشيخي 

 

الشاعر احمد الشيخي في مدح صاحب السمو الملكي الامير سعود بن عبدالرحمن ال سعود

الشاعر احمد الشيخى 

الشعر له عند عالي القوم دايم مكان
سطر جزيل المعاني في مقاماتها

ولا يرغب المدح منهو ماعطاه الزمان
ما يرغبه غير شخصاً حاز ميزاتها

الونعم الي نعده في الصعايب حصان
ماينثني لو تزايد شن غاراتها

والجو لامن صفالي في اليالي وزان
سطرت لي بالمدايح من جزيلاتها

وان اقصدك يا طويل العمر والوقت حان
با انزل لدر المعاني وسط غباتها

يا ابن البطل ياحفيد ماسسين الكيان
الي بشهب البنادق رز راياتها

ابوك منهو لعالي المجد وثق ضمان
رمز الشجاعه ومعنا كل هيباتها

ياسعود في نضرتك للعز معنا يبان
بالجود تغني يمنك وقت مداتها

ياسيدي لو نعدد في المزايا الحسان
وشهي المحاسن وشخصك ضمن ساداتها

الي يورد فعوله لا نطقها السان
يسند كبار الثقايل وقت ميلاتها

تدحم قوي المصاعب بالضلوع المتان
تعز من باليالي ذاق لوعاتها

وانا زعيم المعاني واحكم الفين جان
اشرب واعدل مزاجي من بيالاتهتا

بارفع لك البيض مدح وفوق عالي مكان
وتزيد لك في صعود اليا مجراتها

اليا ذكرت الشهامه لك يشير البنان
هذاك هوسيدي ضاري لهداتها

تعيش ياسيدي وانا لشخصك مدان
جعلك ذخر بالليالي وقت خيباتها

وانا اعرفك لا غدا بي الوقتوالحظ شان
تحلحل الي ثقايل من عظيماتها

الشاعر احمد الشيخى - اهداء الى العميد الطبيب عطيه الزهراني المسئول عن انشاء المستشفى الميداني في عاصفة الحزم بنجران

الشاعر احمد الشيخى

انا لنضم الشعر يزها علي الوشاح
تشهد صروح المنابر بان قولي فصيح

وشوف فكري بدهن العود شعشع وفاح
للي بكل الجداره يستحق المديح

عطيه الي نشوفه للضفر والنجاح
كل الفخر عند ابو فيصل مجاله فسيح

شلت الحمول الثقيله والمصاعب تزاح
عالجت منهو يعاني له ليالي طريح

والي توجه يدافع عالوطن بالسلاح
خليت لولادهم مرفق مهياء مريح

للعاصفه كنت ساند من توجه وراح
يومك سند كل فارس فالوغاء
ما يطيح

يوم السيوف الحداد ويوم طعن الرماح
اجدادك الي لها في المجد علما صريح

واليوم ذكر الحريري يبعث الانشراح
ارك الثقايل لبو فيصل وهمك يزيح

مهيومها - الشاعر احمد الشيخي

الشاعر احمد الشيخى 

لو كنت فوق الغيم راجي للوصال
ثبت فوق ارضك وانا في حومها

لين السحاب يداعب لصدر الرمال
واحساسها تخفيه ستر غيومها

حتى يميل مزنها والقاع سال
ريح الثرى مثل العطر بهدومها

ولازاح ثوب الستر من فوق الجبال
نزلت واديها وهي في نومها

احب فالضلما تناهيت التلال
واناضر القمرا واعد نجومها

وصوت السباع الي تعاوت بنفعال
من جوعها قامت تنوش لحومها

اجمل تعابير الشعر او مايقال
اتنفس انفاسه وانا مهيومها

وان جبت من بحر الشعر نسج الخيال
في غبت اهواله نزلت اعومها

ياهاجسي لوكان همك لايزال
عيش السعاده واندمج بحلومها

لو كانت احلامك نتيجتها محال
النفس تسلا لو تجور اهمومها

وان جا على الميراد فرصه او مجال
ادحم ونفسك لاتلين عزومها

دام الفرص تاحت وجت لحظه وصال
شد الفرس وامسك عنان لجومها

هواجيس الفكر الشاعر احمد الشيخي

انا تجيني بعض الاحيان حاله
احس تلعبي ثمانين عله

واسطر بفكري وبين خلاله
ماترجم الخاطر هجوسي وتله

ارتب ابياتي بشيا مثاله
عقد الذهب وقت استوى بعد هله

اكيد من يطمح يبي العز ناله
ومن يتبع الذله تجيه المذله

الي بجمع المال للذل حاله
بالمال بدل للقرايب محله

في وقت شفنا مابدته النذاله
حقدا بدون اسباب في القلب غله

واصبح ذليل ولاكرامه ولاله
من يحترمه من الخلايق يجله

خل القزم لاتنخدع في ضلاله
وقت العصير تشوفه يطول ضله

اتبع طريق اهل الفخر والجماله
الي لها في ساحة الطيب حله

ياهل العقول الراكده والشكاله
النصح هذا الوقت محدا فطن له

من سطر امجاده تفاخر عياله
لان العمر تحصي زمنه الاهله

ومن طاح ذكره من سبايب فعاله
يحفظ له التاريخ صفحة سجله

وبعطيك شي ولا تغير بداله
الدين ماله شي غطى محله

والحق منهو في ضياعه سعاله
طبعه دنيئ وفي مواطيك خله

والصبر يعطي كل حقا مجاله
بالصبر جاك الحق دقه وجله

وكثر التشكي يجعل الشخص عاله
عيش الحياه وخل ملقاك فله

واحرص على قدر الخوي باي حاله
واغفر خطاه ومابدر منه خله

والكذب طول الوقت يقصر حباله
والصدق ضد الضلم سيفا تسله

ولابد للضالم ولو زان حاله
يلقا العذاب بما تعمد يزله

الله هدى النجدين .. هذا مقاله
وكلا نواياه لطريقه تدله

الشاعر احمد الشيخي في مدح الاعلامي المميز الاستاذ احمد بن عطيه العامري اداء المنشد سلطان الخزمري

الشاعر احمد الشيخى

احمد بكيم الي على العز مقدام
يعد نفسه للعناصي سندها

مانجهله دامه علم ضمن الاعلام
زهران ماتنكر فعايل ولدها

عندي هجوس المدح يشرب من العام
من صافيا عذبا قراحا وردها

للفارس الي يمتطي خيل الاعلام
التغطيه في كل محفل نجدها

حنا نعده درع و السيف وحزام
والي خدم ربعه نعده اسدها

شيوخ فالماضي قبل تصرف اختام
يوم احمد الباشه جيوشه حشدها

بيارقا تحفظ توراريخها اقلام
في حدنا الاتراك يشهد لحدها

حنا ملوك الارض من قبل الاسلام
واصحاب سيدنا النبي من بعدها

من بطشنا فارس غدو تحت الاقدام
جيش المجوسي يعترف ماجحدها

وحنا رواة المصطفا ياهل الاوهام
صحيح مسلم والبخاري سندها

حنا جيوشه يوم تحطيم الاصنام
يوم الفتن جيش العناصي خمدها

واليوم في حكم السعودي لنا حام
مجدا تعلى للسحاب وصعدها

الا انتهض سلمان للمعضله قام
بقعا لنا تهتف وتصفق بيدها

الشاعر احمد الشيخي في حفل زواج الشاعر ممدوح العنزي

 الشاعر احمد الشيخى

ياهاجسي لاجيت صوب المناعير
اطلق عنانك بالبيوت القويه

اهل الكرم واهل الدلال المباهير
للضيف فاحت دلة الشاذليه

لجل الكرم مافكرو بالمخاسير
درع الوطن واهل الوفا والحميه

وائل لهم تاريخم في المدابير
لطامت الاخصام في كل هيه

نعم الرجال اهل الوجيه المسافير
ونعم الفقيري يارجال الوفيه

مبروك ياممدوح جعل التباشير
تنساق لك وتعيش عيشه هنيه

هذا نسيبك يشبه لسالم الزير
يهلل المعنا بصبح وعشيه

محمد العاند زعيم الشواعير
لو غشه الاعلام ماهي قضيه

نجمه لمع بين النجوم المزابير
وبيوت شعره كثر من قال ليه

لو قلت له تسرق بيوتك بتقرير
قال البحر مانقصته الشويه

له عندنا جاه ومعزه وتقدير
في ساحة الشعار له قابليه

اذا حضر توقف قباله طوابير
كنه العقيد الي يقود السريه

هذا هجوسي جاب بعض التعابير
والا الغلا فايق عن الشاعريه

وانا ولد زهران ربعي مناصير
دون الرفيق نشوش بالعنجهيه

سجلنا التاريخ كتب المحابير
مع النبي والا في الجاهليه

وختامها ياهل الفخر يالمناعير
صلو على منهو خيار البريه